2016 jylǵy 17 maýsym, Astana qalasy
Memlekettik qyzmetter kórsetý salasyndaǵy ýákiletti organnyń keıbir buıryqtaryna ózgerister engizý týraly
Buıyramyn:
1. Memlekettik qyzmetter kórsetý salasyndaǵy ýákiletti organnyń keıbir buıryqtaryna mynadaı ózgerister engizilsin:
1) «Memlekettik kórsetiletin qyzmettiń qunyn aıqyndaý ádistemesin bekitý týraly» Qazaqstan Respýblıkasy Ekonomıka jáne bıýdjettik josparlaý mınıstriniń mindetin atqarýshynyń 2013 jylǵy 28 maýsymdaǵy № 197 buıryǵyna (Normatıvtik quqyqtyq aktilerdi memlekettik tirkeý tiziliminde № 8568 bolyp tirkelgen, 2013 jylǵy 6 tamyzdaǵy № 115 (2316) «Zań gazetinde» jarııalanǵan):
kórsetilgen buıryqpen bekitilgen Memlekettik kórsetiletin qyzmettiń qunyn aıqyndaý ádistemesinde:
4-tarmaqtyń 1) tarmaqshasy mynadaı redaksııada jazylsyn:
«1) jalaqyǵa, onyń ishinde «Qazaqstan Respýblıkasynyń memlekettik bıýdjeti jáne Ulttyq Bankiniń smetasy (bıýdjeti) esebinen qamtylǵan Qazaqstan Respýblıkasy organdary qyzmetkerlerine eńbekaqy tóleýdiń biryńǵaı júıesi týraly» Qazaqstan Respýblıkasy Prezıdentiniń 2004 jylǵy 17 qańtardaǵy № 1284 Jarlyǵyna, «Azamattyq qyzmetshilerge, memlekettik bıýdjet qarajaty esebinen ustalatyn uıymdardyń qyzmetkerlerine, qazynalyq kásiporyndardyń qyzmetkerlerine eńbekaqy tóleý júıesi týraly» Qazaqstan Respýblıkasy Úkimetiniń 2015 jylǵy 31 jeltoqsandaǵy № 1193 qaýlysyna sáıkes aıqyndalatyn qyzmetkerleri tikeleı memlekettik qyzmet kórsetetin zańdy jáne jeke tulǵalardyń eńbek aqysyn tóleý shyǵystary;»;
2) «Memlekettik kórsetiletin qyzmetter standarttary men reglamentterin ázirleý jónindegi qaǵıdalaryn bekitý týraly» Qazaqstan Respýblıkasy Ulttyq ekonomıka mınıstriniń 2014 jylǵy 3 jeltoqsandaǵy № 126 buıryǵyna (Normatıvtik quqyqtyq aktilerdi memlekettik tirkeý tiziliminde № 10124 bolyp tirkelgen, 2015 jylǵy 19 qyrkúıektegi № 180 (28658) «Egemen Qazaqstan» gazetinde jarııalanǵan):
kórsetilgen buıryqpen bekitilgen Memlekettik kórsetiletin qyzmetterdiń standarttary men reglamentterin ázirleý jónindegi qaǵıdalarynda:
5-tarmaq mynadaı redaksııada jazylsyn:
«5. Memlekettik kórsetiletin qyzmetter standarttary árbir memlekettik kórsetiletin qyzmet úshin ázirlenedi.
Memlekettik kórsetiletin qyzmetter standarttary memlekettik kórsetiletin qyzmetter tizilimi bekitilgen nemese oǵan tolyqtyrýlar engizilgen kúnnen bastap úsh aı ishinde ázirlenedi jáne bekitiledi.»;
13-tarmaq mynadaı redaksııada jazylsyn:
«13. Memlekettik kórsetiletin qyzmetter reglamentteri árbir memlekettik qyzmetter úshin ázirlenedi.
Memlekettik kórsetiletin qyzmetter reglamentteri memlekettik kórsetiletin qyzmet standarttary qoldanysqa engizilgennen keıin kúntizbelik otyz kún ishinde ázirlenedi jáne bekitiledi.».
2. Qazaqstan Respýblıkasy Ulttyq ekonomıka mınıstrliginiń Memlekettik basqarý júıesin damytý departamenti zańnamada belgilengen tártippen:
1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin;
2) osy buıryq memlekettik tirkelgennen keıin kúntizbelik on kún ishinde onyń merzimdi baspasóz basylymdarynda jáne «Ádilet» aqparattyq-quqyqtyq júıesinde resmı jarııalaýǵa, sondaı-aq bes jumys kúni ishinde Qazaqstan Respýblıkasynyń normatıvtik quqyqtyq aktileriniń etalondyq baqylaý bankinde ornalastyrý úshin Qazaqstan Respýblıkasy Ádilet mınıstrliginiń «Respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásipornyna jiberilýin;
3) osy buıryqtyń Qazaqstan Respýblıkasy Ulttyq ekonomıka mınıstrliginiń ınternet-resýrsynda ornalastyrylýyn;
4) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin on jumys kúni ishinde Qazaqstan Respýblıkasy Ulttyq ekonomıka mınıstrliginiń Zań departamentine osy buıryqtyń 2-tarmaǵynyń 1), 2) jáne 3) tarmaqshalarynda kózdelgen is-sharalardyń oryndalýy týraly málimetterdi usynýdy qamtamasyz etsin.
3. Osy buıryqtyń oryndalýyn baqylaý jetekshilik etetin Qazaqstan Respýblıkasynyń Ulttyq ekonomıka vıse-mınıstrine júktelsin.
4. Osy buıryq alǵash resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Ulttyq ekonomıka mınıstriniń
mindetin atqarýshy M.QUSAIYNOV
«KELISILDI»
Qazaqstan Respýblıkasynyń Aqparat jáne kommýnıkasııa mınıstri
________________ D. Abaev
2016 jylǵy 22 maýsym
Buıryq Qazaqstan Respýblıkasynyń Ádilet mınıstrliginde 2016 jylǵy 22 shildede Normatıvtik quqyqtyq kesimderdi memlekettik tirkeýdiń tizilimine №13964 bolyp engizildi.